युध्दविराम भङ्ग जुइधुंकाः न्हिन्हि धैथें बम मुयाच्वंगु पोखराय् आइतवाः धाःसा बम मुइकेगु कूतः सफल जुइमफुत। चिप्लेढुङ्गाया तरकारी बजारनापसं छगः शक्तिशाली बमयात सुरक्षा फौजं निष्क्रिय याःगु खः।
अथेहे सुरक्षा फौजं पृथ्वीचोकं आइतबाः सुथय् छम्ह माओवादी नेतायात हतियारसहित ज्वंगु दु।
पृथ्वीचोकया होटल अशोकं ट्याक्सी गयाः बिस्युवनेत्यंम्ह माओवादी नेतायात सुरक्षाफौजं घेरा तयाः ज्वंगु खः।
ज्वंम्ह माअोवादी गोर्खा जिल्ला घ्याल्चौक निवासी २२ वर्षीय प्लाटुन सहायक कमाण्डर व अनेरास्ववियू (क्रान्तिकारी) कास्की जिल्ला कमिटीया उपाध्यक्ष जूगु सीदूगु दु।
